عامل الريسس (Rh) هو البيحدد لو فصيلتك موجبة ولا سالبة. لو الأم سالبة والأب موجب، ممكن الجنين يكون موجب.
المشكلة شنو؟
أثناء الولادة أو في بعض الحالات أثناء الحمل، ممكن شوية من دم الجنين يختلط بدم الأم. جسم الأم ممكن يكوّن أجسام مضادة ضد العامل الموجب. الحمل الأول غالباً بيعدّي، لكن الأجسام المضادة دي ممكن تأثر على جنين موجب في حمل جاي.
الحل
في حقنة بتمنع جسم الأم من تكوين الأجسام المضادة دي، وبتتدّى في أوقات محددة حسب ما يقرر الطبيب. عشان كده مهم أي حامل تعرف فصيلتها بدري، وتتابع مع طبيبة النساء والتوليد.
وعلاقة ده بالتبرع؟
أصحاب الفصائل السالبة قليلين، والحوجة ليهم في حالات الولادة كبيرة. لو فصيلتك سالبة وبتقدر تتبرع، تسجيلك عندنا ممكن يفرق مع أم في حيّك.
التعليقات
ما في تعليقات لسة. اكتب أول تعليق.